Inkesta handia
Ipar Euskal Herriko abertzaletasuna birfundatzea, indartzea, eta egungo erronkei helduz beste 60 urteko ibilbidea egiteko oinarriak jartzea da Bagiraren helburua. Hori lortzeko, urtebeteko diagnostiko fasea ireki eta engaiamendu arlo, jatorri edo adin guzietako abertzaleei zuzenduriko inkesta zabalduko du Bagirak.
Sarean atzeman daitekeen 40 galderez osaturiko inkesta, Aztiker Ikergunea kooperatibaren laguntzaz osatu da. Inkestan jorratuko dituen galderak sakonak dira: Zer da abertzaletasuna XXI.mendean? Zeintzuk dira Ipar Euskal Herriko mugimendu abertzaleak erdietsi beharreko helburu nagusiak epe ertainean? Nola antolatu helburu horiek elgarrekin lortzeko? Zeintzuk dira gaur egungo Mugimendu Abertzalearen indargune eta ahulguneak?
Ipar Euskal Herriko abertzaletasuna birfundatzea, indartzea, eta egungo erronkei helduz beste 60 urteko ibilbidea egiteko oinarriak jartzea da Bagiraren helburua.
Bagiraren inkesta haundia uztailaren, 23a bukatu da. 1500 izan zarete iritzia eman duzuenak! Bihotzez eskertzen zaituztegu Ipar Euskal Herriko Mugimendu Abertzalearen diagnostikoaren egiteko ekarpena egin duzuelako.
Udaz baliatuko gira emaitzen aztertzeko eta sartzean elkartuko gira berriz ondorioen aurkezpenerako eta gero trukaketarako hitzordu batzuetan ondoko urteetan hartu beharreko norabideak elgarrekin aipatzeko.
Prozesuaren berriak jaso nahi dituzu? Gure newsletter-ean izena eman: https://www.bagira.eus/eu/berripapera